Թրամփը՝ Պուտինի հետ հնարավոր նոր հանդիպման մասին
ԱՄՆ նախագահ Դոնալդ Թրամփը հայտարարել է, որ այս շաբաթվա վերջում ավելի կհստակեցվեն Ռուսաստանի նախագահ Վլադիմիր Պուտինի հետ հանդիպում կազմակերպելու հեռանկարները։
«Երկու օրից մեզ կասեն, թե ինչ ենք անելու»,- Սպիտակ տանը լրագրողներին ասել է Թրամփը։ ԱՄՆ ղեկավարը նաև ընդգծել է, որ եթե ԱՄՆ-Ռուսաստան գագաթնաժողով տեղի ունենա, ապա այն պետք է հանգեցնի իրական առաջընթացի։
Թրամփը վստահեցրել է, որ նման բանակցությունները ժամանակի վատնում չի համարում, և իր կարծիքով՝ հակամարտության երկու կողմն էլ խաղաղություն են ցանկանում։
Ավելի վաղ CNN-ը, հղում անելով աղբյուրներին, հայտնել էր, որ Ռուբիոյի և Լավրովի միջև այս շաբաթ սպասվող հանդիպումը հետաձգվել է։ Աղբյուրներից մեկի համաձայն՝ երկու երկրի արտաքին քաղաքական գերատեսչությունների ղեկավարները «տարբեր սպասումներ ունեն Ուկրաինայում հակամարտության հնարավոր ավարտի վերաբերյալ»։
