Իսրայելն ակնկալում է, որ Սիրիան ապառազմականացված բուֆերային գոտի կստեղծի մինչև Դամասկոս. Նեթանյահու
Իսրայելն ակնկալում է, որ Սիրիան ապառազմականացված բուֆերային գոտի կստեղծի մինչև Դամասկոս՝ հայտարարել է Բենիամին Նեթանյահուն:
Հրեական պետության վարչապետի խոսքով՝ դա անհրաժեշտ է Իսրայելի քաղաքացիների անվտանգությունը երաշխավորելու համար:
«Հոկտեմբերի 7-ից հետո վճռական ենք պաշտպանելու մեր սահմանային համայնքները, այդ թվում՝ հյուսիսային սահմանը, և կանխել ահաբեկչական բազաների ստեղծումը:
Կպաշտպանենք նաև մեր դրուզ դաշնակիցներին»,- շեշտել է Նեթանյահուն: Նա հույս է հայտնել, որ հնարավոր կլինի հասնել սիրիացիների հետ համաձայնության:
Ավելի վաղ՝ տեղեկություններ էին տարածվել, որ իսրայելական տանկերը մուտք են գործել Սիրիայի տարածք:
Արաբական ԶԼՄ-ների տվյալով՝ իսրայելցի զինվորականներն անցակետ են տեղադրել Քունեյտրա հարավային նահանգում և խուզարկել տեղացիներին։ Նշվում է, որ սա նման առաջին դեպքը չէ:
