Տարեսկզբից մինչև մարտի 10-ը «Երևանի ավտոբուս» ՓԲԸ 21 վարորդ ազատվել է աշխատանքից
«Երևանի ավտոբուս» ՓԲԸ-ում 2024 թվականի հունվարի 1-ից մինչև մարտի 10֊ն ընկած ժամանակահատվածում 21 վարորդ ազատվել է աշխատանքից։ Այս մասին ասված է Երևանի քաղաքապետի խոսնակ Հայկ Կոստանյանի Ֆեյսբուքի էջում:
«Ազատման պատճառներից են քաղաքացիների հանդեպ ոչ պատշաճ վերաբերմունքը, երթևեկության ընթացքում թույլ տված պարբերական խախտումները, ինչպես նաև ծառայողական այլ խնդիրներ։ Ազատման պատճառներից է նաև Կանանց միջազգային օրը՝ մարտի 8-ին, կանանցից գումար գանձելը»,- նշված է գրառման մեջ։
