Փաշինյանի ներկայությամբ խախտվել է «ՀՀ օրհներգի մասին» օրենքը (տեսանյութ)
Արդեն հայտնել ենք, որ ԱԺ նախագահը և ևս երկու ՔՊ-ական պատգամավոր օրենքի նախագիծ են մշակել, որով առաջարկում են փոփոխություն կատարել օրհներգում, մասնավորապես, տեղափոխել օրհներգի վերջին քառատողը, որ օրհներգն ավարտվի «Թող միշտ պանծա Հայաստան» տողով:
Օրենքի նախագիծը դեռ չի քննարկվել ԱԺ-ում և խորհրդարանը դեռևս այն չի վավերացրել, սակայն, պաշտոնական արարողությունների ժամանակ արդեն իսկ հնչում է առաջարկվող տարբերակը:
Մասնավորապես, օրերս Հակակոռուպցիոն կոմիտեի կազմավորման երրորդ տարեդարձին, որին մասնակցել էր ՀՀ վարչապետ Նիկոլ Փաշինյանը, օրհներգը հնչել է ՔՊ-ական պատգամավորների առաջարկած տարբերակով:
Հարկ է նշել, որ այսկերպ խախտվել է ՀՀ օրհներգի մասին օրենքը: նշենք նաև, որ «ՀՀ օրհներգի մասին» օրենքի 2-րդ հոդվածը սահմանում է. «Հայաստանի Հանրապետության օրհներգը պետք է կատարվի սույն օրենքի հավելվածով հաստատված երաժշտական խմբագրությամբ և տեքստի համապատասխանությամբ»։
