Բայրամովն ու ԵՄ ԱԳ բարձր ներկայացուցիչը քննարկել են հայ-ադրբեջանական հարաբերությունների կարգավորման գործընթացը
ԵԱՀԿ ԱԳՆԽ շրջանակում Ադրբեջանի արտաքին գործերի նախարար Ջեյհուն Բայրամովը հանդիպել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Կայա Կալասի հետ:
Կողմերը քննարկել են Եվրամիության և Ադրբեջանի միջև քաղաքական երկխոսության ընթացիկ հարցերը։
Այդ երկրի ԱԳՆից հայտնում են, թե քննարկվել է նաև էներգետիկ անվտանգության ոլորտում համագործակցությունը, փոխգործակցությունը, ինչպես նաև հայ-ադրբեջանական հարաբերությունների կարգավորման գործընթացը:
