Կոչ ենք անում՝ Սիրիայում իշխանության խաղաղ փոխանցում կատարել․ Ֆրանսիայի ԱԳՆ

Կոչ ենք անում իշխանության խաղաղ փոխանցում կատարել, որը կհարգի սիրիացի ժողովրդի բազմազանությունը և կպաշտպանի քաղաքացիներին և բոլոր փոքրամասնություններին միջազգային իրավունքի համաձայն:

Այս մասին ասված է Ֆրանսիայի ԱԳՆ հայտարարության մեջ․

«Սիրիայի և սիրիացի ժողովրդի համար այս պատմական օրը Ֆրանսիան ողջունում է Բաշար ալ-Ասադի վարչակարգի տապալումը` սեփական ժողովրդի դեմ ավելի քան 13 տարվա դաժան բռնաճնշումներից հետո։

Մինչ վարչակարգը անխնա տարաձայնություններ էր սերմանում սիրիացիների մեջ, Սիրիան մասնատված էր, եկել է միասնության ժամանակը:

Ֆրանսիան կոչ է անում դադարեցնել կրակը, պահպանել պետական ​​ինստիտուտները և հարգել Սիրիայի ինքնիշխանությունն ու տարածքային ամբողջականությունը։

Կոչ ենք անում խաղաղ քաղաքական անցում կատարել, որը կհարգի սիրիացի ժողովրդի բազմազանությունը և պաշտպանի քաղաքացիներին և բոլոր փոքրամասնություններին միջազգային իրավունքի համաձայն:

Ֆրանսիան կոչ է անում բոլոր սիրիացիներին՝ միասնության ու հաշտության և հրաժարվելու ծայրահեղականության ցանկացած ձևից»։