Ո՞ւմ է առաջարկել Սարիկ Մինասյանը՝ Գյումրու քաղաքապետարանի աշխատակազմի քարտուղարի պաշտոնում

Aravot.am-ի տեղեկություններով, Գյումրու քաղաքապետի ժամանակավոր պաշտոնակատար Սարիկ Մինասյանն առանցքային պաշտոններից մեկում՝ աշխատակազմի քարտուղարի պաշտոնում առաջարկել է իր գործընկերներից մեկի՝ Ախուրյանի միասնական սոցիալական ծառայության պետ Սերգեյ Իսրայելյանի թեկնածությունը։

Հիշեցնենք, որ նախքան քաղաքապետի ժ/պ նշանակվելը` Սարիկ Մինասյանը զբաղեցնում էր Գյումրու Միասնական սոցիալական ծառայության պետի պաշտոնը։

Այս պահին Սերգեյ Իսրայելյանին պաշտոնի նշանակելու համար հարցում է ուղարկված ՀՀ տարածքային կառավարման և ենթակառուցվածքների նախարարություն, ըստ կարգի՝ երկու շաբաթվա ընթացքում կամ կհաստատեն կամ էլ կմերժեն՝ առաջարկելով թեկնածու կադրերի ռեզերվից։

Առայժմ Սերգեյ Իսրայելյանի թեկնածությունը հաստատված չէ, նա դեռ պաշտոնապես աշխատակազմի քարտուղար նշանակված չէ։

Մանրամասները՝  սկզբնաղբյուրում։