Նախարարի հրամանով՝ Մինասյանի բուժման ֆինանսական հարցերով զբաղվում է առողջապահության նախարարությունը
Օհան Մինասյանը պետպատվերի շահառու չէ, բայց նրան բուժօգնություն արդեն տրամադրվում է։
Այս մասին «Հայկական ժամանակ»-ի հետ զրույցում հայտնեցին Առողջապահության նախարարությունից՝ նշելով, որ նախարարի հրամանով ֆինանսական հարցերով զբաղվում է առողջապահության նախարարությունը:
Նշենք՝ համացանցում հրապարակված տեղեկատվության համաձայն, Շտապօգնության մեքենայով «Արմենիա» ԲԿ տեղափոխված 35-ամյա Օհան Մինասյանին հիվանդանոցում հրաժարվել են բուժօգնություն տրամադրել՝ պահանջելով նախ կատարել վճարումներ, ինչն ընտանիքը ի վիճակի չի եղել:
Հիվանդի մայրը հայտնել է, որ անվճարունակ են, ապրում են քայքայված վագոն-տնակում, ամուսինը մահացած է, ինքը՝ հաշմանդամ, իսկ որդին 44-օրյա պատերազմի մասնակից է, ցույց է տվել նրա զինգրքույկը, սակայն հիվանդանոցում նշել են, որ անվճար չեն սպասարկում պատերազմի մասնակիցներին:
