Փաշինյանը Մարկուս Փերթլի հետ քննարկել է Հայաստանի ներդրումային միջավայրի բարելավման վերաբերյալ քայլերը
Մյունխենում վարչապետ Նիկոլ Փաշինյանը հանդիպում է ունեցել Stern Stewart Institute վերլուծական կենտրոնի նախագահ Մարկուս Փերթլի հետ։
ՀՀ կառավարության լրատվական ծառայության փոխանցմամբ՝ հանդիպման ընթացքում մտքեր են փոխանակվել Հայաստանի ներդրումային միջավայրի բարելավման ուղղությամբ իրականացվող բարեփոխումների, տնտեսական աճի ապահովման և մակրոտնտեսական կայունության խթանման վերաբերյալ։
Ավելի վաղ հայտնել էինք, որ վարչապետ Նիկոլ Փաշինյանը ներկա էր գտնվել Մյունխենի անվտանգության համաժողովի բացման արարողությանը:
