ԱՄՆ-ն հրաժարվել է Հարավային Աֆրիկայում կայանալիք G20 գագաթնաժողովին մասնակցելուց. Մարկո Ռուբիո
ԱՄՆ պետքարտուղար Մարկո Ռուբիոն հայտարարել է, որ Միացյալ Նահանգները որոշել է չմասնակցել Հարավային Աֆրիկայում կայանալիք G20-ի գագաթնաժողովին՝ մի շարք հարցերի շուրջ հյուրընկալող երկրի ղեկավարության հետ ունեցած տարաձայնությունների պատճառով։
«Մենք որոշել ենք այս տարի չմասնակցել Հարավային Աֆրիկայի կողմից հյուրընկալված G20-ին՝ ոչ արտաքին գործերի նախարարության մակարդակով, ոչ էլ նախագահի մակարդակով, և դա շատ բաներով կապված է այն հարցերի հետ, որոնք, մեր կարծիքով, չեն արտացոլում այս վարչակազմի առաջնահերթությունները», — ասել է Ռուբիոն Սենատի լսումների ժամանակ:
