Իսրայելի և Իրանի միջև հակամարտությունը կարելի է համարել անցյալ. Պուտին
Իսրայելա-իրանական հակամարտությունն անցյալում է, ուստի ԵԱՏՄ-ն կարող է զարգացնել հարաբերություններ Մերձավոր Արևելքի բոլոր երկրների հետ։
Այս մասին հայտարարել է Ռուսաստանի նախագահ Վլադիմիր Պուտինը Եվրասիական տնտեսական ֆորումի ժամանակ։
«Իրանի հետ ազատ առևտրի համաձայնագիրը ուժի մեջ մտավ մայիսին։ Հուսանք՝ տարածաշրջանում իրավիճակը կկայունանա։ Իսրայելի և Իրանի միջև հակամարտությունը, փառք Աստծո, կարելի է համարել անցյալում»,- ասել է նա:
Պուտինը շեշտել է, որ նման դինամիկան ԵԱՏՄ-ին հնարավորություն է տալիս կառուցողական հարաբերություններ հաստատել տարածաշրջանի բոլոր երկրների հետ։
Նա հիշեցրել է նաև ԵԱՏՄ-ի գործող արտոնյալ համաձայնագրերը Վիետնամի, Սինգապուրի և Սերբիայի հետ, ինչպես նաև Արաբական Միացյալ Էմիրությունների հետ տնտեսական համագործակցության մասին համաձայնագրի նախապատրաստման աշխատանքները։
«Շարունակվում են աշխատանքները ինտեգրացիոն մեխանիզմների ամրապնդման և ԵԱՏՄ-ի միջազգային ասպարեզում հեղինակության բարձրացման ուղղությամբ։
Միությունը շարունակում է բաց լինել բոլոր շահագրգիռ գործընկերների հետ փոխգործակցության համար»,- ասել է Պուտինը:
