Ղրղզստանի նախագահը հանձնարարել է վերականգնել մահապատիժը

Ղրղզստանի նախագահ Սադիր Ժապարովը հրամայել է մշակել օրինագիծ, որը պետք է զգալիորեն խստացնի պատասխանատվությունը երեխաների և կանանց դեմ ուղղված հանցագործությունների համար, նախատեսում է նաև մահապատժի վերականգնում։

Ղրղզստանի նախագահի մամուլի քարտուղար Ասկատ Ալագոզովը բացատրել է, որ Ժապարովի որոշումը կապված է Բարսկուն գյուղի 17-ամյա Այսուլու Մ.-ի դաժան սպանության հետ, որը տեղի է ունեցել սեպտեմբերի վերջին և ցնցել է հանրությանը։

«Նախագահն անձնական հսկողության տակ է վերցրել անչափահաս աղջկա սպանության գործը: Նրա համոզմամբ՝ երեխաների և կանանց դեմ ուղղված հանցագործությունները չպետք է անպատիժ մնան»,- հավելել է Ալագոզովը։

Ղրղզստանում մահապատիժը վերացրել է նախագահ Կուրմանբեկ Բակիևը՝ 2007 թվականին։ 2022-ին Ղրղզստանի խորհրդարանի անդամները կոչ էին արել վերականգնել մահապատիժը՝ որպես երեխաների նկատմամբ սեռական բռնության համար նախատեսված պատիժ։ Կառավարությունը դեմ էր արտահայտվել նրանց նախաձեռնությանը՝ այն անվանելով «իմպուլսիվ»։

Մանրամասները՝ սկզբաղբյուրում։