Իսրայելի պաշտպանության բանակը հայտնել է Գազայի հատվածից հրթիռակոծության մասին

Իսրայելի պաշտպանության բանակի մամուլի ծառայությունը հաստատել է, որ Գազայի հատվածի կողմից հրթիռակոծվում է Իսրայելի տարածքը։

Հրթիռային հարվածներին ի պատասխան՝ իսրայելական ուժերը հարվածներ են հասցնում Գազայի հատվածում պաղեստինյան ՀԱՄԱՍ խմբավորման օբյեկտներին։

Հրթիռակոծության հետևանքով շուրջ 300 մարդ է վիրավորվել և տեղափոխվել հիվանդանոցներ։

Այս պահին պաղեստինյան ալիքները հայտնում են, որ ավելի քան 5000 հրթիռ է արձակվել Իսրայելի ուղղությամբ։

Իսրայելի դեմ մեգահարձակման մեկնարկից 5.5 ժամ անց Իսրայելի վարչապետը հայտարարել է. «Սա պատերազմ է»։

ՀԱՄԱՍ-ի ռազմական առաջնորդ Մուհամմեդ Դեֆը կոչ է արել ողջ արաբական աշխարհին միանալ Իսրայելի դեմ պատերազմին։