Ղազախստանի տրանսպորտի նախարարը ադրբեջանական ինքնաթիռի կործանման որոշ մանրամասներ է հայտնել
Ղազախստանի տրանսպորտի նախարար Մարատ Կարաբաևը մամուլի ասուլիսում պատմել է Ակտաուում ադրբեջանական AZAL ավիաընկերության ինքնաթիռի կործանման որոշ մանրամասներ:
Նա հավելել է, որ անձնակազմը երկու անգամ փորձել է վայրէջք կատարել, սակայն նկատվել են բարձրության կորուստ և ընթացքի անկայունություն։ Ավելի ուշ ինքնաթիռի հետ կապը կորել է, որից հետո այն կործանվել է՝ բախվելով գետնին։
Կարաբաևը տեղեկացրել է, որ դեպքի վայրում հայտնաբերվել է երկու սև արկղ: Նախաքննությունը շարունակվում է:
Ավելի վաղ Ղազախստանի փոխվարչապետը հայտարարել էր, որ Ռուսաստանի և Ադրբեջանի իրավապահ մարմիններին թույլ չեն տա մասնակցել քրեագիտական հետաքննությանը, բայց նրանք կարող են մասնակցել դեպքի հետաքննությանը:
Ավելի վաղ հայտնել էինք, որ Azerbaijan Airlines ավիաընկերության՝ Բաքվից Գրոզնի թռչող ինքնաթիռը Ղազախստանի Ակտաու քաղաքում կործանվել է: Վերջին տվյալներով՝ ինքնաթիռի կործանման հետևանքով 38 մարդ է զոհվել:
